عودة لا أجد لها تصنيفا .. مؤقتة أم صدفة أم قد تكون شبه مستمرة أو محاولة ..
مع تحليل بسيط جدا لفيلم طال انتظاره... وقررت مشاهدته فى اول يوم سينما فى مصر قبل حتى ما ينزل فى امريكا ...!!
رأيى المتواضع فى فيلم dawn of justice ..
بإختصار ...لقد اتعبت من بعدك يا نولان ...
بات مان (كريستيان بيل ) حمادة وبات مان ( بين أفليك ) حمادة تانى خالص ..
اولا: الفيلم بيستعرض بطلين وعامل مزج بين الفيلمين ..وبالتالى بات مان ليه نص الحدث تقريبا .فبالتالى مش مسيطر زى اى فيلم من ثلاثية dark knight
ثانيا : نولان كان عامل بطل خارق من شخص عادى ...هنا snyder عامل بطل عادى من شخص خارق ..(بمعنى: هناك بدلة عادية وراجل عادى وعمله فرشه لقدراته القتالية - هنا بدلة خيالية وراجل خارق بشوية تدريبات اى مواطن مصرى عادى بيعملها كل يوم زى مثلا انه يشد فردة كاوتش عربية وسط دايرة نار .... ياعم انت ما شوفتش حزلقوم عمل ايه لما عمل دور أدهم ...!!)
الصراحة مش بالع بين افليك من الاول وزاد كمان من ساعة لما استخسر يشترى البدلة ب 100 الف دولار وبروس واين بالنسبة ليا كريستيان بيل لفترة طويلة وصعب حد يغيره ليا ..
ثالثا : الحبكة بالنسبة ليا ....بلح خالص!! ...يعنى حواديت الاطفال بتاعت الكوميكس ما ينفعش تتنقل على الشاشة بدون حبكة كبار محترمة كده من بتاعت الاخ نولان اللى اصلا كان منفض للكوميكس وهو بيكتب ...
رابعا : مافيش اسباب حقيقية من وجهة نظرى للصراع بتاع بات مان و سوبر مان خالص .. وما فيش اسباب مقنعة لاتحادهم وهما فى عز خناقتهم مع بعض ...الا ان ام سوبر مان طلع اسمها شبه اسم ام بات مان ...!!(كانوا عاوزين مرتضى منصور ...وفقرة سباب بالام الصراحة)
خامسا : تفاصيل حياة بات مان مع نولان تعيشك جوه الحدث ...هنا بات مان متطور جدا بس سطحى جدا بالنسبة ليا لعمق الشخصية ...
اخيرا : الفيلم مبهر لاقصى خمسمية درجة ..خصوصا انى شوفته ثرى دى - شغل جرافك ومؤثرات صوتية وبصرية خيالية ... انا هدفى من البداية انى افصل عن ضغط ملازمنى لفترة طويلة ..واحساس بالرغبة فى العيش من جزء فيه خيال و قصص فانتازيا واثارة غير اعتيادية ...والصراحة الفيلم وفرهالى بغزارة ..
تقييمى 7 على 10 ..
مع تحليل بسيط جدا لفيلم طال انتظاره... وقررت مشاهدته فى اول يوم سينما فى مصر قبل حتى ما ينزل فى امريكا ...!!
بإختصار ...لقد اتعبت من بعدك يا نولان ...
بات مان (كريستيان بيل ) حمادة وبات مان ( بين أفليك ) حمادة تانى خالص ..
اولا: الفيلم بيستعرض بطلين وعامل مزج بين الفيلمين ..وبالتالى بات مان ليه نص الحدث تقريبا .فبالتالى مش مسيطر زى اى فيلم من ثلاثية dark knight
ثانيا : نولان كان عامل بطل خارق من شخص عادى ...هنا snyder عامل بطل عادى من شخص خارق ..(بمعنى: هناك بدلة عادية وراجل عادى وعمله فرشه لقدراته القتالية - هنا بدلة خيالية وراجل خارق بشوية تدريبات اى مواطن مصرى عادى بيعملها كل يوم زى مثلا انه يشد فردة كاوتش عربية وسط دايرة نار .... ياعم انت ما شوفتش حزلقوم عمل ايه لما عمل دور أدهم ...!!)
الصراحة مش بالع بين افليك من الاول وزاد كمان من ساعة لما استخسر يشترى البدلة ب 100 الف دولار وبروس واين بالنسبة ليا كريستيان بيل لفترة طويلة وصعب حد يغيره ليا ..
رابعا : مافيش اسباب حقيقية من وجهة نظرى للصراع بتاع بات مان و سوبر مان خالص .. وما فيش اسباب مقنعة لاتحادهم وهما فى عز خناقتهم مع بعض ...الا ان ام سوبر مان طلع اسمها شبه اسم ام بات مان ...!!(كانوا عاوزين مرتضى منصور ...وفقرة سباب بالام الصراحة)
خامسا : تفاصيل حياة بات مان مع نولان تعيشك جوه الحدث ...هنا بات مان متطور جدا بس سطحى جدا بالنسبة ليا لعمق الشخصية ...
اخيرا : الفيلم مبهر لاقصى خمسمية درجة ..خصوصا انى شوفته ثرى دى - شغل جرافك ومؤثرات صوتية وبصرية خيالية ... انا هدفى من البداية انى افصل عن ضغط ملازمنى لفترة طويلة ..واحساس بالرغبة فى العيش من جزء فيه خيال و قصص فانتازيا واثارة غير اعتيادية ...والصراحة الفيلم وفرهالى بغزارة ..
تقييمى 7 على 10 ..
