عن منتخب الساجدين وصديقة زيدان الدنماركية

انتشرت موضة السجود فى الملعب بعد احراز الاهداف - كان اخرها سجود لاعبى غزل المحلة بعد احراز هدف فى مرمى الاهلى - ويبدو انه منذ فوز مصر ببطولة افريقيا للمرة الثالثة على التوالى والسابعة فى تاريخه سيصبح السجود هو الطريقة التى يعبر بها اللاعبين عن فرحتهم بالاهداف فى الملاعب المصرية , فى البدء عام 2006 ...كان االسجود قاصرا على محرز الهدف او على اقصى تقدير الذى ساعده فى احرازه , ومبارة تلو الاخرى طالت عدوى السجود اغلب اللاعبين , وبطولة تلو اخرى اصبح السجود شعارا مميزا للفريق , للدرجة التى جعلت لقب " منتخب الساجدين " هو اللقب الرسمى للمنتخب المصرى بعد ان كان "منتخب الفراعنة " - فالفرعون رمز للظلم والقهر والاستبداد , والساجد رمز للعادل المتدين ....واضح جدا محاولة تغيير المفاهيم لدى فئة ليست بقليلة من الشعب المصرى - ..............
وفى كأس القارات ....بعد ان وجد الفيفا الامر سيتحول الى مباريات دينية بين اللاعبين فى الملعب وخارجه , فالبطولة تنال اهتمام اعلامى كبير , وتحظى بنسبة مشاهدة مرتفعة .... فالمصريين يسجدون بعد كل هدف بشكل جماعى , والبرازيل شعرت بالغيرة الدينية فقامت بالصلاة داخل الملعب بعد الفوز بالبطولة ........فهل ستتحول الساحات الرياضية فى العالم الى مسجد ومعبد وكنيسة ....؟؟؟
لذلك قرر الفيفا منع اى مظهر دينى يقوم به اللاعبين داخل الملعب ..
لكن المنتخب المصرى لم يتوقف عن السجود ........فمرورا بتصفيات كأس العالم , وبطولة الامم الاخيرة بانجولا .....بل وامتد الامر فى البطولة الاخيرة بسجود اللاعبين الاحتياطيين ايضا ...
وانتشر الكلام بين الجماهير المصرية بأن سر الفوز بالبطولات منذ 2006 هو نتيجة لتدين اللاعبين بقيادة الشيوخ امثال ابوتريكة ووائل جمعة ( وانا لا اشكك هنا فى تدين احد او احكم عليه ) , وان شحاته لا يسمح بانضمام احد للمنتخب سوى الملتزمين دينيا , وكم من الاشاعات انطلقت عن خروج كثير من اللاعبين من تشكيل الفريق نظرا لعدم التزامهم الدينى والاخلاقى... بدءا بابراهيم سعيد , وانتهاءا بميدو وعمرو زكى .
ولا ننسى بعد فوز امريكا على مصر فى بطولة القارات , والشائعات عن سهرات للاعبى الفريق المصرى مع فتيات داخل الفندق - التى لا اصدقها اطلاقا - , وما تلاها من تصريحات عن التزام اللاعبين بالصلاة فى مواقيتها فى جماعات , و قرأتهم للقرأن معا.....
وكان اهم تصريحات هذه الفترة هو تصريح زيدان ...بانه لم يبدأ فى الانتظام فى الصلاة والمواظبة عليها الا مع انضمامه للمنتخب ..... ...................كلام جميل
لكن مؤخرا طالعتنا الصحف بخبر عن استقبال النجم المصرى زيدان فى المطار بالمانيا بواسطة صديقته الدنماركية (شتينا ) بقبلة مثيرة فور مقابلاتهما تعبيرا عن سعادتها بعودته سالما لها ولالمانيا ليواصل مشواره الاحترافى فى الدورى الالمانى - ربنا يعينه على الاتنين فلا اخفى سرا انها ذات مواصفات احترافية اوربية ايضا - ......
ها قد تحول احد لاعبى منتخب الساجدين .....واصبح من لاعبى فرق الاوروبيين
ومضى وقت الدعاء والسجود ...... واتى وقت القبلات والاحضان ...
ورحل فريق حسن شحاته المتدين ....واتى بروسيا دورتموند اللا دينى بالمرة ....
و مرة اخرى انا لا اتهم زيدان بالفجر او الفسوق , ولا انا متفق معه فيما بدر منه , لكن اعتقد ان زيدان العربى المسلم .....كان واجب عليه ان يحافظ على الاقل على تقاليده المسلمة , وحتى لو لديه صديقة اوربية , لم يكن هناك داعى لظهورها معه فى قبلة ساخنة على الملأ وامام الصحافة التى لا توقف على مطاردة النجوم امثاله - كانت قابلته وباسها فى اى حته غير المطار ........ ما حبكتش يعنى -

ما موقف شحاته منه الان ....هل يستبعده ليؤكد اهتمامه بالاخلاق والقيم قبل المهارة واللعب ...ام يتركه يلعب فى المنتخب طالما مستواه جيد وليثبت - كما نفى موخرا - انه لا يختار اللاعبين طبقا لدينهم او لمقدار تدينهم ؟؟؟؟؟

اما من ناحيتى ...فبقول لزيدان .............اتجوزها واخلص عشان الشائعات هتكتر عليك الفترة الجاية فى حالة تراجع مستواك , وكان مالها مى عز الدين يعنى ؟؟؟؟؟؟؟
هو احنا كده يا مصريين زى القرع نمد لبره ,ودائما مغرمين بالتجربة الدنماركية

اتسرق ....... ما انت فى جنوب افريقيا !!!!

لم اجد شيئا يتفوق فيه غيرنا - كمصريين - من بؤس وفقر وحال مايل و تأخر ثقافى و مستوى معيشى متردى و ...... سلسلة لا تنتهى من الاشياء المحبطة لأى انسان ذو جينات مصرية ويعيش فى ارض الكنانة , الا اننى مؤخرا وجدتها - قصدى طبعا انى وجدت الصفة السيئة اللى مش متفوقين فيها - وكما قالها نيوتين عند اكتشافه لقانون الجاذبية بمجرد سقوط التفاحة على أم رأسه, وتلاقيها كانت تفاحة غير اصلية كمان - وجدتنى اصرخ فرحا بمجرد معرفتى بان هناك من يسبقنا فى شىء سىء , وحتى لا اطيل او الف وادور , انا اقصد بكل تأكيد تفوق شعب جنوب افريقيا فى السرقة بكل انوعها – ومش عاوز حد يسأل ويقولى هو كمان فى انواع ؟؟؟ اه طبعا – بدءا من السرقة العادية و النشل وانتهاءا بالسرقة بالاكراه ,وحتى لا اتهم بالتضليل وانى عنصرى وكاره للون الاسود – كما تتدعى جنوب افريقيا فى كل حادث يخص حد شهير - هأخد مثال للاعبى منتخبنا الهمام اللى اتقلبوا – ولمن لا يعرف اتقلبوا يعنى اتسرقوا باللغة الشبابية الدارجة - فى مبلغ تافه (حوالى 2800 دولار) اتسرق من غرفهم , بالرغم من اقامتهم فى فندق تابع لبطولة كبيرة , ووسط حراسة مشددة من الامن , وتم تلفيق تهمة اصطحابهم لفتيات داخل الغرف وانهم اللى قاموا بالسرقة وان المصريين قالوا موضوع السرقة بغرض تشويه سمعة جنوب افريقيا لاننا كنا بنافسهم فى تنظيم كأس العالم - يا خبيتهم , بنافس ايه بس دا حتى احنا اخدنا صفر فى التصويت والمنافسة كانت بينهم وبين المغرب !!!!!- لكن فى النهاية لازم نعترف ان المصريين متعلم عليهم من الشعب الجنوب افريقى - و متعلم عليهم: مصطلح يطلق على من تعرض لاكثر من موقف مشابه زى السرقة مثلا رغم معرفته بانه هيحصل ليه , انا عارف محتاجين قاموس لغة دارجة الفترة الجاية -, فلا ننسى صناع فيلم افريكانوا الذين تعرضوا لسرقة مشابهة , ولا يبدو ان موضوع السرقة التى يتميز بها الجنوب افريقين حكر على المصريين وحدهم , فقد تعرض المدير الفنى للبرازيل هو الاخر لحادث سرقة خلال البطولة , وحتى لا اتهم بتحريض الناس على موضوع السرقة , احب اوضح للناس الصورة كويس ان الكذاب بيروح النار واللى بيسرق بيروح فين ؟؟؟؟ , اكيد طبعا بيروح مارينا !!!!!! .
للعلم انا مواطن افريقى اسكن فى الركن الواقع فى الشمال وفى اليمين ناحية البحر الاحمر كده عند بتاع العصير و فى بلد اسمها مصر , ونفسى طبعا افريقيا تنظم كاس العالم , بس يا اخونا ارجوكم بلاش فضايح اكتر من كده , انا شايف ان التنظيم بتاع جنوب افريقيا مش هيكون على المستوى المطلوب , ورأيى ان معايير الاختيار لازم تراعى النقط دى فى الاختيار , دول كفاية موضوع الزمامير اللى بيصفروا بيها طول الوقت اللى بتخليك طول الماتش متعصب ومش عارف تركز , فما بالك بالاعبين - الاتحاد مستنى ياخد قرار فى موضوع الزمامير دى كمان لما تنتهى البطولة عشان بيقول ان دى من عادات السكان ومش لازم نحرمهم من اساليبهم فى التشجيع !!! - و نصيحة منى لوجه الله اذا كنت عاوز تستمتع بجمال الطبيعة الخلابة فى جنوب افريقيا , يبقى لازم تاخد معاك كام مخبر وضابط من هنا وانت رايح , عشان تأمن نفسك كويس ضد السرقة واهو برضوا تخف شوية من على قفا الناس اللى هنا فى مصر !!!!

حتى فى الكورة ملناش بخت !!!!!!

كغيرى من ملايين المصريين وغير المصريين توقعت فوز مصر على امريكا , ولم اتوقع فوز البرازيل على ايطاليا , لكن سحر المستديرة لا ينتهى ومفاجأتها لا تنتهى , ومستحليتها تتحقق دائما , فأقصى احلام امريكا للتأهل ان تفوز بثلاثة وتخسر ايطاليا بثلاثة - وقد حدث – وبعد استعداد لاعبى امريكا للرحيل , اذا بهم يتأهلون ويعيدوا حقائبهم الى اماكنها , يجرجر منتخبنا اقدامه ويلملم عزاله – اللى باقى طبعا بعد السرقة -.
يبدو ان الامريكان ورانا ورانا , يعنى لا فالحين معاهم فى السياسة ولا حتى فى الكورة , وعلى ما يبدو ان زيارة اوباما للقاهرة والقاء خطابه للعالم الاسلامى منها , لم يكونا الا من ضمن سيناريو الفشل العربى فى مواجهة السياسة الامريكية والخضوع العربى لامريكا .
لم اتخيل مطلقا كمية السخرية التى سوف تنطلق من المصريين بعد الخيبة القوية تحسرا على الهزيمة الثقيلة , المذلة , ومدى المعارك الساخنة بين عمرو اديب و لاعبى المنتخب والبرامج الرياضية الاخرى , وما زاد الطين بلة كلام الصحافة فى جنوب افريقيا عن فتيات احتفل معاهم بعض اللاعبين بعد الفوز على ايطاليا - ولا حد قالى منهم - وكلام عن سرقتهم ونجاستهم و فضيحتهم ,وهى ناقصة يعنى امريكا ظلمانا فى السياسة وفضحانا فى الكورة .
استهوانى جدا تعليقات اصدقائى على الفيس بوك ووجدت فيها سخرية تتفوق على سخرية القدر من المنتخب - بعد الفوز على ايطاليا والهزيمة الساحقة من امريكا – وحبيت اشاركهم حزنهم فى الكتابة , وقررت اجمع اللى عجبنى منهم ,
- على غرار اعلان كوكاكولا : اللى ملهمش فى الكورة بيلعبوا مع منتخب مصر ... اشرب كوكاكولا والعب مع المنتخب .
- بعد المبارة : مكانى الطبيعى قدامك يا جاك.
- ان لله وانا اليه راجعون او البقاء لله .
- اغنية لاستقبال المنتخب : الصراحة راحة .... وانت ما بتعرفش .
- هى امريكا ظلمانا فى السياسة وفضحانا فى الكورة .
- مبروك لمصر التمثيل المشرف .... حاجة تقرف .

اكتفى بهذه الجمل البديعة التى اخرجت البسمة من شفاهى رغم كسرة النفس , ولكن كان لى وقفة مع مقال متميز عن موضوع فتيات الليل مع لاعبى المنتخب والهزيمة وهو مقال للكاتب اشرف شوقى فى اليوم السابع "نسوان جنوب افريقيا " مقال بالفعل يعبر عن جموع المصريين بعد المبارة وقبلها .

http://www.youm7.com/News.asp?NewsID=111093


ولن انسى كلام صديق فلسطينى ليا ان نفسه انكسرت مرتين ,مرة عند غزو امريكا للعراق , والتانية لما امريكا كسبت مصر( 3-0 ) - واضح ان امريكا سبب كسرة نفسه دايما - واضفت على كلامه ونكسه 67 , يبدو اننا شعب تعود على النكسات بكل اشكالها , والمتعوس متعوس حتى لو علقوا فى ايده فانوس .

رزق الهبل على المجانين

منتخب مصر الهمام بعد ما خلاص بقى فى منه امل وقلنا النحس اتفك ونلعب فى كاس العالم -ابقوا تفوا على قبرى _جه وخاب خيبة سوده واتعادل مع زامبيا على استاد القاهرة
وبعد الماتش سمعنا بقى على المشاكل بين اللا عبين شوية بين ميدو وعمرو زكى وشوية مش عارف مين وحش ومين حلو وده هيسيب النادى الفلانى وده هيروح النادى العلانى وده بياخد كام فى الاسبوع -الواحد مش كان فلح وطلع لعيب كورة_ادى اخرة متابعة الواحد للكورة هما ياخدوا على قلبهم فلوس واحنا _ناخد برضوا _بس حرقة الدم ووجع القلب فعلا رزق الهبل على المجانين